الخميس، 14 مايو 2009

زعلانة قوى



أعلن الآن أن كل الأشياء ماتت وأن التفاصيل إنتهت وأنى تحملت حماقات العالم .. أعلن الآن أنى أغبى مخلوقة رأيتها فى حياتي، لاأستحق حتى أن أشفق على ذاتى لأني الوحيدة المسئولة عن غبائي
أنا زعلانة .. زعلانة جدا ، زعلانة من نفسي ومن الناس ومن كل حاجة حاسة إنى مخنوقة ، مش عارفة أتنفس ، مش عارفة أتكلم .. هى ليه الناس كده؟

هو ليه ممكن تتخيل حاجات وتصدق حاجات وفى الآخر تكتشف إنك غبى؟
ليه الناس مابتتعاملش معاك زى ما أنت بتتعامل معاهم؟

هو إحنا لازم نعيش الحياة ديه.. أنا حاسة إنها تجربة مفروضة علينا وأوحش تجربة.. لوكان ينفع أختار أكيد ما كنتش إخترتها
أنا نفسى أتعامل زى الناس أجرح وأتجاهل جرحهم ، نفسى ما أتعاملش بتلقائية ، نفسى ما أحسش بحد .. نفسى بجد أفقد الإحساس ولو ليوم واحد فى حياتى حتى لو تحولت لشىء آخر ،آه على فكرة الحيوان بيحس جدا .. أنا نفسى أبقى إنسانة لإنه الكائن الوحيد اللى مابيحسش
كان حد من أصحابى قاللى أنتى مراهقة لإنك بتضخمي مشاكللك ، أنا مش مراهقة ولوكلامه صح يبقى إحساسى اللى مراهق
مش عارفة أنا بأكتب ليه أكيد مش فراغ ، لكن إحساس الغربة زاد جوايا قوى لدرجة إن نفسي زعلانة مني وأنا زعلانة منها ، يمكن الكتابة هى اللى لسه مازعلتش ، خايفة قوى تطلع هى أقرب حد ليه

ليست هناك تعليقات:

إرسال تعليق